Як часта можна пачуць фразу: «Я не ведаў, а што трэба было так?» Так людзі гавораць звычайна, калі здарылася нешта непрыемнае. Аднак, як вядома, няведанне не вызваляе ад адказнасці». Таму прафілактычныя мерапрыемствы па павышэнні ў насельніцтва кампетэнтнасці ў галіне пажарнай бяспекі так важныя.
Чарговы зварот да грамадзян прайшоў у працоўным калектыве ДУА «Яслі-сад № 5 горада Старыя Дарогі». Старэйшы інжынер ГСНС Раман Балоцька ратавальнік расказаў аб распаўсюджаных прычынах узнікнення вогненных НС у жылым сектары: аб неасцярожным абыходжанні з агнём, парушэнні правілаў эксплуатацыі пячнога ацяплення і электраабсталявання. Работнік МНС прывёў рэальныя прыклады пажараў, якія адбыліся па пералічаных прычынах у выніку нядбайнага стаўлення людзей да правілаў пажарнай бяспекі.
Падрабязней работнік МНС спыніўся на такой прычыне пажару, як неасцярожнае абыходжанне з агнём пры курэнні. Прысутным нагадалі, што нельга курыць у ложку, а таксама паблізу згаральных рэчываў і матэрыялаў, пакідаць у попельніцы непатушаныя недакуркі і запалкі, а таксама кідаць недакуркі з балконаў ці вокнаў. Выратавальнік завастрыў увагу прысутных на небяспеку пакідання разведзеных вогнішчаў без нагляду і асноўных правілах пры ўборцы прысядзібных участкаў.
Таксама грамадзяне змаглі даведацца аб правілах бяспекі за праглядам навучальных відэафільмаў. У завяршэнне свайго выступу Раман Мікалаевіч прапанаваў устанавіць прысутным на мабільны тэлефон дадатак «МНС Беларусі: Дапамога побач», а таксама азнаёміцца з правіламі бяспечнай жыццядзейнасці, напісанымі ў буклетах, якія былі ўручаны кожнаму.
